"الكون ليس علي ما يرام"
طبعا انت قريت الجمله دي قولت ف عقل بالك ده
كلام كل سنه ومفيش حاجه بتحصل
بس للأسف المرادي بجدL , متقلقش مش هتموت تعالي وانا هفهمك
احنا ممكن نقول ان جمله " الكون ليس علي
ما يرام " اول جمله اكبر علماء الفيزيا يتفقوا عليها ويبقي فيه ذهول ان محدش
منهم عارف يتصرف
اللي بيحصل دلوقتي ياسيدي ان النجوم والمجرات
والثقوب السوداء وكل الاجرام السماويه بتبعد عن بعض بسرعه مع مرور الوقت
واخر قياسات اتعملت كشفت ان الكون بينفجر
متوسعا بسرعه محصلتش من ساعه نشأته
ولو كان قياساتهم ب ثابت هابل صحيحه, فـ ده
معناه افتقار النموذج الحالي لفيزياء جديده في غايه الاهميه
او إن فيه حاجه غريبه بتحصل ف الطاقه المظلمه
" لو متعرفهاش هسيبلك معلومات عنها في الكومنتات"
ودلوقتي في دراسه جديده نشرت في Monthly
Notices of the Royal Astronomical Society
وهي ان فيه بعض العلماء عملوا قياس بـ ثابت
هابل لكن بطريقه مختلفه عن اول قياس, وفعلا الدراسه اثبتت ان الكون بيتوسع بسرعه
اكبر من توسعه في بدايته
ندخل في المهم بقا : ازاي الكون اتنقل من كونه بقعه حساءٍ من البلازما
للشكل اللي احنا شايفينه ده ؟ ركز في اللي جاي علشان هتتهوه مني مش هعرف اجيب
دماغك
العلماء اقترحوا نموذج إسمه " ماده لامدا المظلمه البارده LCDM"
النموذج ده بيفرض قيود علي خصائص الماده المظلمه , وده نوع من الماده بتطبق
جذب كبير لكنها مبتطلعش اي ضوء هي بتطلعلنا طاقه مظلمه وواضح ان هي المقابل المضاد
للجاذبيه
النموذج LCDM ممكن يعيد انتاج بنيه
المجرات واشعاع الخلفيه الكونيه الميكروي بكل نجاح , وللعلم ده اول ضوء اتعرف عليه
الكون من بدايه نشأته بالاضافه طبعا لكميه الهيدروجين والهيليوم الموجوده في الكون
, بس في الاخر النموذج ده مش هيقدر يفسرلنا سبب توسع الكون دلوقتي
ده معناه يا اما النموذج LCDM هو النموذج الخاطئ, او
ان قياسات معدل التوسع هي كده فعلا
" عايز اقولكم انهم مهما عملوا ومهما جابوا طرق وحلول إحنا في الاخر
محتاجين فيزياء جديدهJ"
وفي البحث الجديد بقي التقنيه اللي العلماء شغالين عليها فيها
"كوازارات" ودي عباره عن مجرات شديده التوهج بتكسب طاقتها من الثقب الاسود
تعالي بقي اعرفك الدنيا هتمشي ازاي عشان شكلك زهقت
لما الضوء اللي جاي من الكوازارات يمر بمجره بينيه هيحصل جاذبيه وهينتج
عنها انحناء للضوء قبل ما يصتدم بالأرض , والمجره هتَسلك سِلوك عدسات تحرف الضوء
بتاع الكوازارمات عشان تصنع منُه اكتر من ضوء , بس الاضواء المشهوره دلوقتي هما 2
او 4 ده طبعا بيعتمد علي انتظام الكوازارات وكل ضوء من الاضواء دي بتروح في اتجاه
معين من ناحيه المجره , وعمرها ما تتوهج باستقرار زي بقيت النجوم لأن لمعانها
بيبدأ يظهر من ساعات حتي ملايين السنين , وده طبعا بيعتمد علي كميه المواد
المتساقطه في ثقوبها السوداء
ولما يتم تعديس صوره كوازار لكذا نسخه مع مسارات ضوئيه مش متكافئه مع بعضها
, هينتج زي تذبذب بين النسختين, والضوء بتاعهم هياخد وقت اطول علشان يوصل للأرض
والحمدلله ان العلماء قدروا يحددوا المسافه اللي بتبعدنا عن الكوازارات
والمجره الوسيطه بظبط, وعشان مننساش ثابت هابل العلماء قارنوا المسافه, والاطوال
الموجيه انحرفت عند النهايه الحمرا من الوان الطيف " واللي بيظهر مقدار تمدد
الضوء الصادر عن الجسم نتيجه التوسع الكوني "
وبالفعل تم دراسه الضوء من الانظمه اللي بتخلق 4 نسخ من الكوازارات , لكن
الاطروحه الجديده بينت بكل نجاح ان احنا ممكن نقيس ثابت هابل من الانظمه اللي
بينتج عنها نسختين بس! وده هيزود عدد الانظمه اللي ممكن تدرس , وهيخلي ثابت هابل
يقيسها بدقه اكبر لأن اللي بينتج عنها نسختين تبلغ 5 اضعاف اللي بينتج عنها 4
ليست هناك تعليقات:
إرسال تعليق